Sezona verore sjell edhe projekte të reja muzikore.
Në vazhdën e shumë klipeve të reja, edhe një bashkëpunim po vjen në skenën muzikore shqiptare.
Dj Dagz, Dj PM dhe këngëtari Yll Limani kanë përvjel mëngët dhe kanë nisur të punojnë për këngën e re të titulluar ‘Besom’.
Kështu ka bërë të ditur për Telegrafin Dj Dagz, i cili ka folur rreth bashkëpunimit mes treshes duke zbuluar edhe si ka ardhur puna deri tek ky bashkëpunim.
“Ideja ka lind kur unë dhe Dj PM e kemi marr ‘beatin’. Më pas jemi ulur dhe kemi menduar se kush do të jetë këngëtari adekuat që i përshtatet këtij ‘beati’. Edhe si shok të fëmijërisë që jena me Yll Limanin, kemi vendos me i bashkuar energjitë pozitive që i kemi. Tashmë e kemi bërë provën e parë edhe qysh në provën e parë e kemi vërejtur që kënga do të jetë shumë e suksesshme”, ka thënë Dj Dagz.
Ai më tutje ka pohuar se kënga pritet të publikohet gjatë këtij muaji dhe do të jetë një hit veror. /Telegrafi/