Hernan Crespo shpreson që të shohë rifillimin e Serie A për të lënë ish-klubet e tij Lazion dhe Interin të përfundojnë një betejë interesante me Juventusin për titullin kampion.
Pas 26 ndeshjeve të zhvilluara, Juventusi ka një pikë më shumë se Lazio në Serie A, me Interin në vendin e tretin, tetë pikë pas Lazios, por me një ndeshje më pak.
Crespo, trajner aktual i Defensa y Justicia në Argjentinë, pretendon se Juventusit i mungon loja kolektive, por pret që ata të përmirësohen më tej në vitin e dytë të Maurizio Sarrit në krye.
“Kampionati ishte shumë interesant, shpresoj se mund të rifillojë”, ka thënë fillimisht Crespo për Tuttosport.
“Sarri po përpiqej të ndryshojë filozofinë e tij pas kaq shumë vitesh. Sot, ai ka individ të mrekullueshëm, por jo një lojë kolektive. Ai do të bëjë më mirë vitin e ardhshëm, sepse klubi do të marrë vendime në përputhje me stilin e futbollit të tij”.
“Një duartrokitje e madhe për Lazion, i vendosa në të njëjtën kategori me Atalantan. Me më pak burime, ata arrijnë të shprehin një lojë të shkëlqyeshme dhe ju gjithashtu mund të shihni një projekt në zhvillim”.
“Pastaj kemi Interin e Antonio Contes, të cilët janë pragmatikë”.
“Ai e di atë që dëshiron. Ata kanë një identitet shumë të saktë dhe janë rikthyer si protagonistë”.
“Milani im i dashur, nga ana tjetër, në vend të kësaj ata po lundrojnë në ujë të trazuar në një nivel korporate. Është shumë e vështirë të menaxhosh”, përfundoi argjentinasi. /Telegrafi/