Philippe Coutinho shënoi një gol të jashtëzakonshëm nga distanca në fitoren 4-0 të Brazilit ndaj Paraguait dhe kjo i ka bërë të gjithë të ndjehen nostalgjikë me ‘magjinë’ e dhuruar nga ylli brazilian.
Skuadra e trajnerit Tite ishte dominuese në ndeshjen e tyre kualifikuese për Kupën e Botës, e cila gjithashtu i dha fund shpresave të Paraguait për t’u kualifikuar në Katar.
Raphinha kaloi Brazilin në avantazh në pjesën e parë me një goditje të bukur të tijën përpara se Coutinho të shënonte për 2-0.
Dy golat tjerë u shënuan nga Antony (86’) për 3-0 dhe Rodrygo (88’) për rezultatin përfundimtar 4-0.
Megjithatë, goli i dytë i kombëtares Selecao i shënuar nga ylli i Aston Villas, Coutinho, ka ‘vjedhur’ gjithë vëmendjen.
Coutinho ka shënuar një gol të jashtëzakonshëm nga një distancë e largët, duke mos i dhënë asnjë mundësi portierit kundërshtar ta presë.
Ky gol i brazilianit kthen në kujtesë ditët e arta të tij me skuadrën e Liverpoolit, ku nuk mungonin gola të tillë. /Telegrafi/
Fair enough Coutinho. pic.twitter.com/GfxZeY1HGQ
— Loso (@LosoLFC) February 2, 2022
The Coutinho Resurrection pic.twitter.com/7QTuEhwqaY
— Sem Firulas (@sem_firulas) February 2, 2022