Philippe Coutinho beson që treshja e sulmit të Barcelonës është më e fortë se Cristiano Ronaldo.
Ylli brazilian ka lënë anash Ronaldon në krahasim me treshen e sulmit të Barcelonës, Lionel Messi, Luis Suarez dhe Neymar.
Coutinho mendon që këta tre përbëjnë treshen më të kompletuar në futboll dhe janë prej më të mirëve të botës.
“Tre lojtarët e mi të preferuar janë MSN”, ka thënë ai për FourFourTwo.
“Njëri është i shpejt, tjetri i shkathtë dhe njëri është top-golashënues. Kësisoj ata kompletojnë një treshe fantastike me njëri-tjetrin”.
I pyetur nëse favoriti për të fituar Topin e Artë për këtë vit, Cristiano Ronaldo është lënë jashtë liste nga ai, Coutinho është përgjigjur: “Janë edhe disa lojtarë te Real Madridi, siç është Ronaldo, por e them edhe njëherë se Messi, Suarez dhe Neymar, janë tre lojtarët më të kompletuar”.
Kohëve të fundit është përfolur se për Coutinhon ka shprehur interesim Barcelona.