Portieri Thibaut Courtois është ‘i lumtur’ në Chelsea, por bisedimet e kontratës nuk kanë filluar ende në mes të lidhjeve që po i bëhen me kampionët spanjollë Real Madridin.
Reprezentuesi belg ka qenë i lidhur me një lëvizje në Bernabeu gjatë vitit të kaluar, ku mediume të mëdha si Marca dhe AS kanë raportuar në lidhje me një transferim të mundshëm.
Megjithatë, Courtois ka deklaruar se është i lumtur te skuadra londineze pavarësisht se nuk kanë filluar ende bisedimet për renovimin e kontratës.
“Bisedimet e kontratës nuk kanë filluar ende, por unë jam i lumtur në Chelsea”, ka thënë Courtois për Sky Sports.
“Shpresoj se ata do të më shpërblejnë me një kontratë të mirë, atëherë nuk do të ketë asnjë dyshim se do ta nënshkruaj”, përfundoi portieri belg.
Dy muaj më parë, 25-vjeçari deklaroi se ai i kishte shumë borxh Spanjës mes zërave se mund të kthehej në Madrid, ku familja e tij jeton ende atje. /Telegrafi/