Cntraveler, një revistë shumë e njohur për sa i përket udhëtimeve ka renditur edhe Kosovën në listën e vendeve që duhen vizituar me patjetër në Evropë në vitin 2024.
Përzgjedhja e vendeve evropiane u bë në kuadër të sugjerimeve të ekspertëve që posedon revista, transmeton Telegrafi.
Kosova, sipas Cntraveler përshkruhet si një vend me male të mrekullueshme, me peizazhe e zona kodrinore dhe një vend me mikpritje të ngrohtë; një kombinim ideal për ecje shumëditore dhe me shëtitje me biçikletë, shkruan gazeta.
Artikulli thekson rrugën e ardhshme të çiklizmit Trans Dinarica, e cila pritet të hapet në vitin 2024 dhe do të lidhë destinacione të ndryshme të bukura në Kosovë. Në tekst, jepet një përshkrim i shkurtër i kësaj rruge dhe të destinacioneve të përfshira.
Teksti gjithashtu përmend ushqimin tradicional shqiptar, flijën si një pjatë që duhet provuar nga të gjithë vizitorët.
Nuk është hera e parë që Kosova përfshihet në listat e vendeve të rekomanduara për vizitë, pasi mediume të tjera, si The Guardian, kanë promovuar Kosovën si destinacionin e ardhshëm për turistët.
Për artikullin e revistës prestigjioze ka reaguar edhe i pari i qeverisë së Kosovës Albin Kurti si dhe Presidentja e Kosovës Vjosa Osmani, të cilët kishin shpërndarë vlerësimin e Cntraveler në rrjetin social X.
“Mezi presim t’i tregojmë botës se çfarë mund të ofrojë vendi ynë”, shkroi Kurti në postimin e tij.
“Europe’s newest country has sky-scraping peaks, pastoral countryside, and heart-warming hospitality.” Proud to see Kosova named by @CNTraveler as one of Europe’s top destinations in 2024. We look forward to showing the world what our country has to offer.https://t.co/sDaCoH9ylB
— Albin Kurti (@albinkurti) December 6, 2023
Një reagim të ngjashëm bëri edhe Osmani, e cila u bëri thirrje të gjithëve ta vizitojnë Kosovën.
Kosovo’s hidden treasures, untouched valleys and stunning mountains have made it to @CNTraveler’s Best Places to Go in Europe in 2024!
We invite you to experience the breathtaking beauty our country has to offer, and the exceptional hospitality of the people of Kosovo! ?? pic.twitter.com/rdwKl1wkLE
— Vjosa Osmani (@VjosaOsmaniPRKS) December 6, 2023
Cntraveler, sugjeroi edhe një mori vendesh të tjera që duhen vizituar në Evropë për vitin 2024, duke përfshirë disa qytete specifike në Spanjë, Greqi, Portugali, Norvegji, Itali dhe Mbretëri të Bashkuar. /Telegrafi/