Rigels Rajku apo siç njihet për publikun Noizy ditën e djeshme (e enjte) ka promovuar në mes të fansave në sheshin “Nënë Tereza” në Tiranë albumin e ri të quajtur “Alpha”.
Ai mblodhi mijëra njerëz e dashamirës të muzikës së tij, teksa interpretoi dhe kërceu para tyre.
Në lidhje me këtë një reagim e ka bërë artisti Kleviol Ahmeti – Cllevio, i cili e ka kritikuar atë dhe mbrëmjen që organizoi.
“Ore bello, pashë koncertin tënd. Mini-koncert. Je i djallëzuar, as koncert as party. Nuk të vjen turp ty që kërcen në mes të universitetit me atë b*thën. Ore, e morëm vesh që ke”, u shpreh fillimisht ai.
“Po ç ‘refren kishe bërë more derr zi që ishe ti. ‘Baby don’t stop, baby don’t stop’, nja 17 herë, Jena mbretër, jena mbretër dy herë. Ju që e pëlqeni këtë muzikë jau q**fsha robët e shtëpisë”, tha mes tjerash ai.
Duket se Cllevios nuk i ka dalë akoma inati me Noizyn, me të cilin pati një sherr të bujshëm vitin e kaluar.
Përkundër se bënë paqe me njëri-tjetrin, reperi në fjalë e ka thumbuar vazhdimisht dhe ka hedhur kunja për të. /Telegrafi/