Wordle, është termi më i kërkuar në Google për vitin 2022, atë në mbarë botën dhe në SHBA.
Kërkimet u bën të ditura nga gjiganti i teknologjisë në raportin e tyre vjetor “Year in Search”, transmeton Telegrafi.
E lansuar nga inxhineri i softuerit, Josh Wardle në vitin 2021, thjeshtësia e lojës, ka gjetur tërheqje masive.
Përdoruesve iu jepen maksimumi gjashtë përpjekje për të qëlluar fjalën e ditës në këtë lojë. Është gjithmonë një fjalë me pesë shkronja dhe fjala është e njëjtë për të gjithë.
Wordle u bë aq popullor sa që kërkimet në Google nga lojtarë të dëshpëruar që kërkonin përgjigje ndikuan në tendencat e tjera kryesore të kërkimit të Google.
Ukraina ishte në top pesë termet më të kërkuara të vitit, së bashku me Mbretëreshën Elizabeta e Dytë.
Në vendin e dytë u rendit termi, “India vs England”, në vendin e tretë ishte Ukraina dhe në vendin e katërt ishte Mbretëresha Elizabeta e Dytë. /Telegrafi/