Lionel Messi vazhdon të jetë objektivi kryesor i Manchester Cityt për sezonin e ri.
Ikona e Barcelonës pritet të largohet në verë nga Camp Nou pasi është futur në vitin e fundit të kontratës.
Shumë skuadra të mëdha janë vënë pas tij, por nuk do të jetë aspak e lehtë të bindet argjentinasi, pasi duhet shpenzuar shumë për ta pasur atë në skuadër.
Manchester City mbetet favoriti kryesor për të nënshkruar me gjashtë herë fituesin e Topit të Artë, për faktin se në radhët e veta ka edhe trajnerin Pep Guardiola.
Por tani në Angli insistojnë se City ka filluar të ulë ofertën për lojtarin, pasi mendon se me situatën ekonomike që është krijuar në botë, edhe argjentinasi duhet të ketë më pak pretendime.
Kështu, ka ulur me 196 milionë euro ofertën që i kishte vënë përpara futbollistit në verë. Gjithsesi, mbeten përsëri shifra stratosferike për pjesën tjetër të futbollistëve, pasi marrëveshja e re parashikon një pagesë prej thuajse 1,15 milionë eurosh në javë për lojtarin për pesë vitet e ardhshme.
Sipas medias angleze ‘The Sun’, klubi anglez është gati t’i ofrojë Messit rreth 500 milionë euro në total për dy vite në radhët e këtij klubi, me të drejtën e rinovimit për një tjetër edicion, si dhe pjesën tjetër në SHBA te ekipi që ka në MLS, New York City.
Kjo është një kontratë që pastaj mund të rritet në termat ekonomikë dhe në kohëzgjatje nëse pas përfundimit të karrierës, Messi do të pranojë rolin e amabasadorit sportiv për Manchester Cityn. /Telegrafi/