Nënkryetarja e PDK-së, Vlora Çitaku, ka reaguar për zhvillimet e fundit që lidhen me formimin e Asociacionit të komunave serbe.
Përmes një postimi në Facebook Çitaku ka theksuar se raporti me Shtetet e Bashkuara të Amerikës dhe aleatët e tjerë duhet trajtuar me kujdes.
Ish ambasadorja e Kosovës në SHBA thotë se çfarëdolloj mospajtimi duhet trajtuar me diskrecionin e nevojshëm diplomatik.
“Raporti me Shtetet e Bashkuara të Amerikës dhe aleatët e tjerë duhet trajtuar me kujdes. Duhet treguar maturi, seriozitet dhe parashikueshmëri. Çfarëdolloj mospajtimi duhet trajtuar me diskrecionin e nevojshëm diplomatik”, ka shkruar Çitaku.
Nënkryetarja e PDK-së ka deklaruar se fatkeqësisht kanë parë edhe eksponentë të lartë të qeverisë duke shkarravitur në rrjete sociale parulla të turpshme kundër aleatëve.
“Aleancat duhen mirëmbajtur e ushqyer vazhdimisht. Tani jetojmë në epokën e ndërvarësisë dhe aleancat janë po aq të rëndësishme sa sovraniteti”, ka shkruar tutje Çitaku./Telegrafi/
