La Gazzetta dello Sport këmbëngul se Newcastle është i interesuar për yllin e Juventusit, Federico Chiesa.
Tonali së shpejti do të finalizojë një transferim të përhershëm prej 80 milionë eurosh nga Milani, ndërsa, sipas Gazzetta, Chiesa mund të largohet nga Juventusi për 60 milionë euro këtë verë.
Italiani ka kontratë deri në qershor të vitit 2025, por bardhezinjtë do të dëgjojnë ofertat për yllin e tyre.
Edicioni i shtypur i të enjtes i La Gazzetta dello Sport shkruan se ende nuk është bërë asnjë ofertë zyrtare, por Newcastle e ka informuar Juventusin për interesimin e tyre.
E njëjta gjë vlen edhe për Liverpoolin dhe Aston Villan, të cilët, megjithatë, nuk do të luajnë në Ligën e Kampionëve në sezonin 2023-2024.
Sipas raportit, Chiesa mund të konsiderojë t’i bashkohet Liverpoolit për të punuar nën drejtimin e Jurgen Klopp, por nuk është i prirur për nënshkrimin për Aston Villa.
Juventus gjithashtu nuk arriti të kualifikohej në garën elitare të Evropës, ndaj duhet të balancojë librat duke shitur disa nga emrat e tyre të mëdhenj, përfshirë Chiesa./Telegrafi/