Jurrien Timber është njëri nga mbrojtësit më të talentuar në Evropë.
Edhe pse i ri në moshë, Timber ka filluar dy vite më parë të luaj për ekipin e parë të gjigantit holandez Ajax Amsterdam.
20-vjeçari ka shkëlqyer me paraqitjet e tij dhe tanimë është bërë pjesë e formacionit bazë edhe te Kombëtarja e Holandës.
Paraqitjet fantastike të tij kanë bërë që gjiganti anglez Chelsea të mendojë transferimin e tij qysh në afatin kalimtar të janarit.
Londinezët po hasin në vështirësi për të marrë mbrojtësin Jules Kounde nga Sevilla, dhe Timber po shihet si alternativë shumë e mirë.
Ajaxi e vlerëson shumë xhevahirin e saj, por do ta lejonte largimin nëse do të arrinte një ofertë rreth 40 milionë euro.
Trajneri i Chelseat, Thomas Tuchel e ka përcjellë mbrojtësin e ri holandez dhe ka dhënë dritën e gjelbër drejtuesve të klubit për ta transferuar atë në janar. /Telegrafi/