Chelsea po bën plane ambicioze për transferimin e portierit të Barcelonës, Marc-Andre ter Stegen.
Blutë janë në kërkim të një portieri të ri me Frank Lampard që është gati për të zëvendësuar këtë verë Kepa Arrizabalagan, i cili nuk ka bindur.
Njëri nga emrat më të përfolur për ta pasuar spanjollin është gjermani i Barcelonës, Ter Stegen.
Ter Stegen është nën kontratë në Nou Camp deri në vitin 2022 dhe aktualisht është në linjë për diskutime mbi një marrëveshje të re.
Sidoqoftë, 28-vjeçarit i është thënë se duhet të pranojë një ulje page duke marrë parasysh rrethanat aktuale, gjë që e ka lënë atë të mendojë mundësinë e një lëvizjeje diku tjetër.
Sipas mediumit Cadena Ser, Ter Stegen është afruar nga Chelsea dhe Bayern Munich për një transferim të mundshëm.
Ai pritet akoma të vazhdojë të ardhmen e tij te Barcelona, por në dritën e problemeve të fundit në këtë klub, Chelsea po shpreson të marrë pjesë në një marrëveshje për ta marrë atë në Londër. /Telegrafi/