Qeveria e Mbretërisë së Bashkuar ka vendosur sanksione ndaj pronarit të klubit të futbollit Chelsea, Roman Abramovich.
Miliarderi rus është një nga shtatë oligarkët rusë, pasuritë e të cilëve janë ngrirë nga autoritetet shtetërore britanike.
Në një dokument të Thesarit të Mbretërisë së Bashkuar të postuar në internet, Abramovich përshkruhet si një “oligark pro-Kremlinit” që ka lidhje të ngushta me presidentin rus Vladimir Putin.
Abramovich ka mohuar më parë të ketë lidhje të ngushta financiare me Putinin ose Kremlinin, por kjo nuk i ka bindur autoritetet britanike.
UK sanctions Russian oligarch Roman Abramovich, freezing his assets including English Premier League soccer club Chelsea https://t.co/pLtpLx0bIK
— CNN Breaking News (@cnnbrk) March 10, 2022
“Roman Arkadyevich Abramovich është një biznesmen i shquar rus dhe oligark pro-Kremlinit”.
“Abramovich është i lidhur me një person që është ose ka qenë i përfshirë në destabilizimin e Ukrainës dhe ka minuar e kërcënuar integritetin territorial, sovranitetin dhe pavarësinë e Ukrainës, përkatësisht Vladimir Putin, me të cilin Abramovich ka pasur një marrëdhënie të ngushtë prej dekadash”.
BREAKING: Roman Abramovich sanctioned by the British Government pic.twitter.com/Mcqttvvafl
— Bill Browder (@Billbrowder) March 10, 2022
“Kjo shoqatë ka përfshirë marrjen e një përfitimi financiar ose përfitim tjetër material nga Putini dhe qeveria e Rusisë”.
“Kjo përfshin lehtësimet tatimore të marra nga kompanitë e lidhura me Abramovich, blerjen dhe shitjen e aksioneve nga dhe për shtetin me tarifa të favorshme, dhe kontratat e marra në prag të Kupës së Botës FIFA 2018”.
“Prandaj, Abramovich ka marrë trajtim preferencial dhe lëshime nga Putini dhe qeveria e Rusisë”, thuhet në njoftimin e thesarit të Britanisë.
BREAKING
Roman Abramovich has been sanctioned by the Government and his asserts – including Chelsea Football Club – have been frozen
Chelsea have been given a special licence to continue with football related activities but the sale effectively bars the sale of the club
— Steven Swinford (@Steven_Swinford) March 10, 2022
Ndryshe, oligarku rus para disa ditësh ka dhënë dorëheqje nga pozita e kryetarit të Chelseat, teksa më vonë kë lajmëruar shitjen e klubit.
Megjithatë, Abramovich tani nuk është në gjendje të shesë klubin pasi qeveria e Mbretërisë së Bashkuar ngriu pasuritë e tij.
Pavarësisht se ka shumë interes, sanksionet tani nënkuptojnë se Blutë përballen me një të ardhme të pasigurt. /Telegrafi/