Mateo Kovacic ka tërhequr interesimin e Manchester Cityt, ndaj mesfushori është para një vendimi të madh për të ardhmen e tij te Chelsea.
Lajmet vijnë kur Graham Potter do të luajë ndeshjet vendimtare kundër Leeds United dhe Borussia Dortmund.
Kovacic është një nga lojtarët, kontrata aktuale e të cilit është deri në vitin 2024 dhe Chelsea është i vendosur të shmangë një skenar kur të hyjë në 12 muajt e fundit të kontratës.
Bashkëpronarët e Chelsea, Todd Boehly dhe Behdad Eghbali trashëguan një situatë ku Thiago Silva, N’Golo Kante dhe Jorginho ishin në vitin e fundit të kontratave të tyre.
Jorginho u shit te Arsenali në janar, Silva nënshkroi një kontratë të re njëvjeçare dhe Kante është afër nënshkrimit të një vazhdimi.
Megjithatë, Chelsea tani ka Kovacic, Mason Mount, Christian Pulisic, Ruben Loftus-Cheek, Pierre-Emerick Aubameyang dhe Cesar Azpilicueta që të gjithë i afrohen vitit të fundit të kontratave të tyre.
Situata duket se ka alarmuar Man Cityn, pasi Pep Guardiola është një tifoz i madh i Kovacicit dhe pritet të bëjë ndryshime në mesfushë gjatë verës.
Objektivi kryesor i Man Cityt është Jude Bellingham, por klubi përballet me konkurrencën nga Liverpool, Real Madrid dhe Chelsea. /Telegrafi/