Chelsea fitoi në gjysmëfinale të FA Cup ndaj Southamptonit me rezultat 2-0, duke u kualifikuar në finale të FA Cup.
Ishte një ndeshje me shumë raste, por Blutë ishin më të mirë.
Shansi i parë në takim erdhi nga Willian në minutën e shtatë, por ky ishte i vetmi shans serioz në 45 minutat e parë.
I pari në takim shënoi Olivier Giroud në minutën e 46-të, francezi shënoi duke dribluar bukur në zonën e rreptësisë.
Në vazhdim Eden Hazard (49′), Shane Long (54′) dhe Nathan Redmod (74′) kishin shanset e tyre, por për golin e dytë u deshtë të pritej deri në minutën e 82-të.
Autor i golit ishte Alvaro Morata, i cili shënoi me kokë pas harkimit nga Cesar Azpilicueta.
Në minutat e mbetur kishte shumë raste për gol, për Southamptonin rast kishte Charlie Austin, kurse për Chelsean spanjolli Morata.
Në finale Blutë do të luajnë ndaj Manchester Unitedit.
Vlen të theksohet se Djajtë e Kuq në gjysmëfinale mposhtën Tottenhamin me rezultat 2-1. /Telegrafi/
What a goal by Oliver Giroud #CHETOTpic.twitter.com/PAwKLPKWOv
— Michàel OGELLO🇰🇪 (@OgelloSays) April 22, 2018
