Christopher Nkunku iu është nënshtruar dhe testeve mjekësor fshehurazi dhe pothuajse me gjasë të madhe do të bëhet lojtar i ri i Chelseat.
Chelsea i dërgoi Nkunkut një ofertë për një kontratë afatgjatë që do të firmoste në vitin 2023, shkruan gazetari Fabrizio Romano.
Edhe pse ai shtoi se lojtari ka kaluar ekzaminim mjekësor, nuk dihet nëse transferimi do të realizohet në janar ose vetëm në fillim të vitit të ardhshëm.
Ai gjithashtu shtoi se Chelsea dhe RB Leipzig nuk kanë rënë dakord zyrtarisht se si do të paguhet lojtari.
Christopher Nkunku had a medical with Chelsea, confirmed as called by @BILD. 🚨🔵 #CFC
Chelsea sent long term contract bid to Nkunku to prepare the deal for 2023.
It’s not done yet, as Chelsea & RB Leipzig will speak about fee: €60m release clause, or different deal structure. pic.twitter.com/645YGNjsCc
— Fabrizio Romano (@FabrizioRomano) September 30, 2022
Thuhet se ai ka një klauzolë blerjeje prej 60 milionë euro në kontratën e tij, por se klubi nga Londra po mundohet ta ulë atë çmim dhe ta marrë këtë sulmues për pak më pak para.
Vlera e Nkunku në Transfermarkt është 80 milionë euro.
Këtë sezon, Nkunku luajti gjithsej 11 ndeshje për RB Leipzig, shtatë në Bundesligë, dy në Ligën e Kampionëve dhe nga një në Kupën e Gjermanisë dhe Superkupën e Gjermanisë, duke shënuar gjithsej gjashtë gola.
Në total ka luajtur 147 ndeshje me fanellën e RB Leipzig, duke shënuar 53 gola dhe duke shtuar 48 asistime./Telegrafi/