Dy klubet e mëdha angleze, Chelsea dhe Manchester Unitedi po lidhen seriozisht me një transferim të sulmuesit të Fiorentinës, Federico Chiesa.
Sipas mediumit italian Gazzetta Dello Sport, sulmuesi i gjithanshëm po përgatitet për një transferim në Angli këtë verë ndërsa ai hyn në dy vitet e fundit të kontratës së tij.
Chiesa, i cili flet rrjedhshëm anglisht – tani mund të vendoset për një kalim të madh parash në Ligën Premier.
Manchester Unitedi është në treg për një sulmues të ri, pasi Daniel James dhe Jesse Lingard kanë dështuar të mbështesin yjet e skuadrës si Marcus Rashford dhe Anthony Martial.
Ndërkohë, Chelsea mund të humbas treshen e sulmit: Willian, Pedro dhe Olivier Giroud si lojtar të lirë në verë dhe duan përforcime në këtë pozitë.
Chiesa thuhet se do të ishte në gjendje të futet në ndonjërin nga tre pozicionet e sulmit në sistemin e trajnerit Frank Lampard.
Megjithatë, transferimi i yllit italian nuk do të jetë aspak i lehtë pasi Chiesa pëlqehet shumë edhe nga dy gjigantët e Serie A, Juventusi dhe Interi. /Telegrafi/