Finalja e Ligës së Evropës në Azerbajxhan pritet të sjellë një numër të madh problemesh.
Ndeshja do të zhvillohet në stadiumin olimpik të Baku – një stadium me kapacitet prej 68.700 shikues.
Pavarësisht kapacitetit të madh, Chelseat dhe Arsenalit iu dhanë vetëm nga 6.000 bileta.
Megjithatë, të dy klubet nuk kanë qenë në gjendje t’i shesin as këtë numër.
Kjo pasi për të shkuar në Baku, do t’u kushtonte tifozëve deri në 1,000 euro, me fluturimet dhe akomodime së bashku. Për t’i bërë gjërat edhe më keq, nuk ka fluturime direkt në Baku.
Si rezultat, të dy klubet kanë luftuar për të shitur bileta, por nuk ia kanë arritur.
Sipas Sky Sports, 4.000 tifozë të Arsenalit pritet të bëjnë udhëtimin, ndërsa Chelsea ka shitur vetëm 2.000.
Të dy klubet tani kanë kthyer pjesën tjetër të biletave të pashitura në UEFA, që do të thotë se ka gjasë që vetëm 6.000 tifozë anglezë të jenë në stadium.
Me gjasë biletat do tu shiten vendasve që pritet t’i mbushin shkallët e stadiumit. /Telegrafi/