Chelsea është në bisedime me Juventusin për Matthijs de Ligt, por ndërsa bardhezinjtë janë të hapur për të mirëpritur Timo Wernerin si pjesë e marrëveshjes, ata duan më shumë se 40 milionë nga Blutë.
Holandezi ka pezulluar bisedimet për kontratën e re me Zonjën e Vjetër dhe është shfaqur si prioriteti i The Blues për të zëvendësuar Antonio Rudigerin, i cili i është bashkuar Real Madridit si një transferim i lirë.
Marrëveshja e De Ligt në Allianz Stadium skadon në qershor 2024 dhe ai ka një klauzolë lirimi prej 125 milionë euro të përfshirë në kontratën e tij duke filluar nga kjo verë. Do të rritet në 140 milionë euro në vitin e fundit të kontratës së tij në Torino.
Sipas raportimeve të fundit në Itali, Chelsea ka ofruar 40 milionë euro plus Timo Werner për të nënshkruar me mbrojtësin holandez, por oferta në para nuk është ende e mjaftueshme për Bianconerët.
Sky Sport Italia dhe Calciomercato.com raportojnë se Juventusi e pëlqen Wernerin dhe janë të hapur për ta përfshirë atë në marrëveshje, megjithëse presin një ofertë më të lartë nga Chelsea, të paktën në rajonin prej 70 milionë euro.
Juventus gjithashtu do të shesë De Ligt për rreth 100 milionë euro pa përfshirë asnjë lojtar tjetër në marrëveshje. /Telegrafi/