Ka tash e sa javë që reperi Capital T vazhdimisht po publikon në rrjetet sociale video që tregojnë për stilin e tij të jetesës.
E nisi me videon e parë, duke treguar se çfarë bën në mëngjes dhe se si fillon dita e tij e zakonshme.
Tutje, videoja e dytë ishte ajo e cila tregonte ushtrimet që reperi bën në palestër, për tu dukur gjithnjë fit para publikut.
Ndërsa videoja e tretë, e cila u publikua së fundmi në YouTube, tregon se çfarë bën Capital T kur është në udhëtime jashtë vendit.
Përpos që shkon për të performuar në koncerte, reperi tregon se i pëlqen shumë të hajë ushqime “fast food”, si dhe të bëjë blerje në markat më të famshme botërore.
Videoja e xhiruar në Dusseldorf, ka dalë vërtet interesante, duke treguar për herë të parë se si një këngëtar vendor e shpenzon ditën jashtë vendit.
Gjatë shëtitjeve në rrugët e këtij qyteti, Kapo pati fatin që të takojë edhe disa shqiptarë, shumë prej të cilëve e ndalonin për të bërë fotografi.
Madje, rastësisht ai u pa edhe me aktorin e njohur nga Tetova, Xhevdet Jashari, i cili gjendej atje gjithashtu për një projekt të tij.
Videon në fjalë, Capital T e ka shpërndarë gjithandej me fansat në rrjetet sociale. /Telegrafi/
https://www.youtube.com/watch?v=-SHthFG3W-U&feature=youtu.be