Ceremonia e 92-të e ndarjes së çmimeve Oscar sivjet në Dolby Theatre në Los Angelos ka kushtuar gjithsej 44 milionë dollarë (40 milionë euro), sipas ueb faqes financiare WalletHub, duke shtuar se 24.700 dollarë (22.560 euro) u shpenzuan vetëm për tepihun e kuq.
Vendosja e tepihut të kuq në më shumë se 1.500 metra katrorë, kërkoi 900 orë punë dhe një ekip prej 18 personash.
Një pjesë e tepihut do të riciklohet dhe një pjesë do t’i dhurohet një organizate bamirësie, transmeton KP.
Në sallën e madhe të Dolby Theatre, rreth gjashtë kilometra kabllo elektrike dhe rreth dy kilometra pëlhurë drapesh u ngritën për pritjen gala të çmimeve Oscar.
Përgatitjet e fundit janë duke u zhvilluar në Los Angelos përpara se ceremonia të fillojë në ora 20:00 sipas kohës lokale (ora 2:00 të të hënës me kohën tonë).
