Antonio Cassano ka thënë se Lionel Messi është lojtar më i mirë sesa legjenda Diego Maradona, sepse ka qëndruar në të njëjtin nivel për 15 vite.
Superylli i Barcelonës është lojtari më i famshëm i Argjentinës pas Maradonas, ndërsa ish-sulmuesi italian mendon se ai është madje edhe më i mirë se ikona e Napolit.
“Maradona ka bërë diçka që nuk ishte parë kurrë më herët për katër-pesë vite, mirëpo Messi ka vazhduar ta bëjë të njëjtën gjë për 15 vite”.
“Ai ka shënuar 710 gola dhe ka dhuruar 300 asistime. Kur ai është në fushë, skuadra e tij e nis lojën me rezultat 1-0”.
“Tifozët e Maradonas duhet të pajtohen me këtë gjë. Është dikush që e ka tejkaluar”, ka deklaruar Cassano për Corriere dello Sport. /Telegrafi/
