Reperi i njohur i skenës shqiptare, Capital T, ditën e sotme (e mërkurë) njoftoi se është takuar me kryetarin e Bashkisë së Tiranës, Erion Veliajn.
Lajmin e ka bërë të ditur përmes një postimi që ka ndarë me fansat në llogarinë e tij personale, Instagram.
Në një fotografi të përbashkët të tyre, ai tregon se kanë biseduar për shumë gjëra të bukura që do vijnë për Tiranën si dhe e falënderon për përkrahjen në koncertin “Time Capsule”.
“Dje patëm një takim me lalin më të mirë që ka Tirana, Erion Veliaj. Biseduam për shumë gjëra të bukura që po vijnë për Tiranën në vazhdim, është gjithmonë kënaqësi të ndaj kohë me ju lal dhe faleminderit për mbështetjen që na dhatë për eventin Time Capsule që së fundmi e nxorëm në transmetim dhe i cili shënoi njëvjetorin”, ka shkruar ai.
Siç e ka potencuar Kapo, koncerti i tij gjigant këtë vit shënoi njëvjetorin dhe ditë më parë u transmetua i plotë në YouTube.
Capital T gjatë kësaj kohe ka qenë shumë i zënë duke prezantuar albumin e ri, pjesa e dytë e të cilit do të lansohet më 1 tetor. /Telegrafi/