Rep-artisti Capital T edhe në këtë kohë të pandemisë coronavirus nuk është ndalur së publikuari projekte muzikore.
Për të mos mjaftuar kjo, në fund të muajit qershor do të publikohet edhe albumi i tij i radhës, “Skulpturë”.
Tashmë reperi ka filluar që të publikojë edhe disa sekuenca të këngëve të albumit, sikurse edhe në postimin e fundit në rrjetin social Instagram.
“Viti 2020 më shumë se çdo tjetër na ka mësuar se çka dhe kush ka më shumë rëndësi në këtë botë. Jepi kuptim secilës ditë, dhe jetoje çdo ditë si të ishte e fundit”.
“E në ditën time të fundit kisha dashtë të festoja ashtu si e ka emrin edhe intro ose kënga e parë e albumit, Skulpturë”, ka shkruar ai në mbishkrimin e fotografisë.
Në videon e publikuar, reperi shqiptar shihet duke ngre dolli, teksa kërcen afër bregdetit me një bluzë e cila vë në pah figurat e tij muskulore.
Teksa po bëhet gati për lansimin e albumit, Capital T po e shijon edhe suksesin e këngës “Flawless”, e cila deri më tani ka grumbulluar 2.2 milionë në platformën YouTube. /Telegrafi/