Artisti i njohur shqiptar, Capital T, në fillim të muajit mars njoftoi se do të bëjë debutimin në një film në arenën ndërkombëtare.
Bëhet fjalë për projektin “Jericho Ridge” nën regji të Will Gilbey, i cili ka qenë fitues i çmimit BAFTA.
Siç edhe njoftoi reperi, filmi amerikan u xhirua në Prishtinë dhe duket se tashmë është finalizuar.
Në një postim të ri të bërë në rrjete sociale, Trim Ademi (emri i plotë i Capital T) shprehet i lumtur që ishte pjesë e këtij filmi.
“Dhe një përmbledhje të Jericho Ridge. Faleminderit që më ftuat, ishte absolutisht e mrekullueshme të isha pjesë e këtij projekti, gjithashtu një falënderim i madh për ekipin më të mirë dhe për secilin individ që punoi për këtë, ishte argëtuese”, tha ai.
I njëjti po ashtu në këtë koleksion të shpërndarë në Instagram hodhi një vështrim se si do të shfaqet në film.
Sidoqoftë, akoma nuk janë zbuluar detaje të tjera se kur do të publikohet i plotë. /Telegrafi/