Data 19.09.2019 do të jetë e veçantë këtë vit për rep-artistin e njohur kosovar, Capital T.
Kjo pasi ai do të realizojë një koncert të madh solistik në Tiranë, që njëherësh është i pari i karrierës së tij në të tilla përmasave.
Këtë Capital T e ka bërë të ditur përmes një videoje 3D të publikuar në rrjetin social Instagram, ku shfaq dukjen e skenës e cila do të ngritet në datën e 19 shtatorit.
“Mbajeni mend këtë datë 19.09.19 Koncerti i parë i karrierës time, i ëndërruar nga unë që në fillimet e mija po bëhet realitet. Dëshira, vullneti, puna e pa lodhur e një prej skuadrave më të mira po bëjnë të mundur që 19.09.19 të mbetet gjatë në kujtesën e secilit prej nesh. Sheshi Nënë Tereza”, ka shkruar Capilat T në Instagram.
Duket se ky koncert do të jetë më i madhi deri më tani në rrugëtimin muzikor të reperit.
Capital T përndryshe shquhet si një prej emrave më eminentë viteve të fundit në muzikën hip-hop, i cili numëron hite të shumta në karrierë që gjithnjë janë pritur mirë nga publiku. /Telegrafi/