Reperi i njohur shqiptar, Capital T, ka njoftuar fansat për datën e koncertit të tij gjigant, “Time Capsule II”.
Pas suksesit që pati koncerti i parë i këtij formati, reperi prishtinas po e sjell këtë eksperiencë edhe për shqiptarët e Kosovës.
Ai ka bërë tashmë të ditur datën zyrtare të koncertit, e cila do të jetë 11 gusht, në Stadiumin “Fadil Vokrri” në Prishtinë.
“Nëse je këtu, ti je true #TeamKapo. Më 11 gusht në stadiumin “Fadil Vokrri” në Prishtinë, djali i qytetit ju merr në udhëtimin më marramendës të verës. Repertori legjendar i Capital T vjen në një koncert LIVE. Ji gati të presësh GJITHÇKA!”, ka shkruar reperi në njoftimin e tij në rrjetet sociale.
Në këtë koncert që pritet të ketë një audiencë të gjerë prej mijëra fansash, ai pritet që të performojë disa nga hitet më në zë të karrierës së tij.
Mesa duket, gushti i verës 2023 është i rezervuar për Capital T. /Telegrafi/
