Reperi i njohur Capital T ka publikuar së fundmi një fotografi në Instagram Story, në të cilën shfaqte trupin e tij të palestruar dhe me muskuj, ndërsa në mbishkrimin e saj shkruante: “Qa me bo larg jeni” (sic.).
Nga disa media vendore ky postim u cilësua si thumbim për reperin Ledri Vula, i cili ditë më parë publikoi një fotografi të ngjashme, ku tregonte trupin e palestruar me muskuj gjithashtu.
Por, i kontaktuar nga Telegrafi, vet Capital T mohon faktin që fotografia e publikuar ka qenë një dedikim për dikë në veçanti, aq më tepër për Ledrin, të cilin e ka mik të mirë dhe njihen prej vitesh.
Ai i cilëson këto lajme si mediokre dhe të pavërteta, të cilat nuk kanë ndonjë arsye dhe qëllim të caktuar që publikohen, pos shkaktimin e një “zhurme ” të panevojshme mediatike. /Telegrafi/