Të gjithë qytetarët e Kosovës janë ambientuar tashmë me verën e këtij viti, e cila ndryshe nga herët tjera, ka qenë shumë më e freskët dhe me reshje.
Shiu i vazhdueshëm i ka bërë qytetarët që të mendojnë se vërtetë nuk do të ketë verë të nxehtë sivjet.
Kjo situatë duket se ka mërzitur edhe shumë prej emrave të estradës, të cilët pikërisht në këtë sezonë kanë shumë koncerte.
Reperi Capital T është një prej atyre i cili ka vendosur të ironizojë me motin e freskët të korrikut.
Ai ka publikuar një fotografi, të cilën e kishte realizuar në dimër, ku shfaqej i veshur me një xhaketë të trashë e kapele të leshtë në kokë.
“Verë e flladitshme jo po dimri është ende këtu”, ka shkruar Capital T në mbishkrimin e fotografisë.
Me këtë gjë, ai iu ka referuar edhe ‘mixtape’-it të tij të fundit të cilin e solli në fund të vitit të shkuar, të titulluar “Winter is coming (Dimri po vjen)”, frymëzuar edhe nga seriali i famshëm “Game of thrones”. /Telegrafi/