Fabio Capello beson se Cristiano Ronaldo mund të jetë i prirur për t’u rikthyer në Manchester United dhe e sheh sulmuesin e Bayern Munichut, Robert Lewandowski, si një zëvendësim të mundshëm të portugezit.
Trajneri italian ka folur rreth të ardhmes së yllit portugez, duke thënë se e sheh Ronaldon të rikthyer në Old Trafford.
“Unë mendoj se Cristiano Ronaldo dëshiron të kthehet në Manchester, të luajë për Unitedin dhe të udhëhiqet nga bashkëkombësi i tij Mourinho”, ka thënë fillimisht Capello për Sky Italia.
“Real Madridi do të duhet të shërohet nga humbja e Ronaldos në drejtim të golave të shënuar”.
“Emri i vetëm në dispozicion në këtë moment është Robert Lewandowski”.
“[Karim] Benzema mund të qëndrojë, Perez është ende një tifoz i madh i tij”, përfundoi trajneri italian.
Ndryshe, mediat para disa ditësh raportuan se deklaratat e Ronaldos për largim nga Reali dedikoheshin për Unitedit.
Por, Djajtë e Kuq nuk kanë shprehur ndonjë interesim për shërbimet e tij ditëve të fundit dhe portugezi ndihet i revoltuar. /Telegrafi/