Manchester Unitedi është duke e rivalizuar Manchester Cityn për transferimin e Joao Cancelos nga Juventusi në këtë afat kalimtar.
24-vjeçari u transferua te Zonja e Vjetër nga Valencia për 40 milionë euro, pas një sezoni si i huazuar te Interi, por ai mund të largohet në verë.
Portugezi i ka regjistruar 34 paraqitje te Juventusi në sezonin që lamë pas, mirëpo ka dështuar ta sigurojë vendin e titulluarit në disa ndeshje.
Mbrojtësi i djathtë nuk arriti ta impresiononte Massimiliano Allegrin dhe Zonja e Vjetër është e hapur ta shesë në vlerën prej 60 milionë eurosh.
Dy klubet nga Mançesteri janë vënë në alarm nga gatishmëria e kampionit italian që ta shesë portugezin, andaj në verë do të zhvillojnë një garë të nxehtë për shërbimet e tij.
Djajtë e Kuq janë të gatshëm që ta fusin në marrëveshje dhe Matteo Darmianin, vetëm që t’i marrin shërbimet e Cancelos për sezonin e ardhshëm. /Telegrafi/