Gary Cahill është duke u lidhur me një kalim te skuadra italiane e Juventusit.
Sipas Sportitalia, brojtësi i Chelseat i është ofruar Zonjës së Vjetër si një zgjidhje afatshkurtre pasi që kampioni italian kohët e fundit ka shitur Medhi Benatian.
Gjithashtu kanë humbur edhe shërbimet e mbrojtësit italian, Leonardo Bonucci, i cili ka pësuar një dëmtim në kyçin e këmbës.
Evending Standard konfirmon se anglezi mund të lërë The Blues dhe të kalojë si huazuar për gjashtë muaj te italianët, por me kusht që paga nuk do t’i zvogëlohet te skuadra e Serie A.
Megjithatë, gazeta paralajmëron se familja e lojtarit ngurron të lëvizë drejt Torinos, kështu që 33-vjeçari është në dilemë rreth të ardhmes.
Cahill ka luajtur vetëm shtatë herë këtë sezon nën urdhrat e Maurizio Sarrit dhe i mbaron në qershor kontrata me anglezët.
Ndryshe, 33-vjeçari gjatë karrierës së vetë me londinezët ka fituar dy tituj të Ligës Premier si dhe në të Ligës së Kampionëve. /Telegrafi/