Gianluigi Buffon ka folur pas finales së Ligës së Kampionëve, ku Juventusi humbi nga Real Madridi me rezultat të thellë 4-1.
Juventusi luajti një pjesë të parë të mirë, ku arriti të luaj në një nivel me Real Madridin, duke u ndarë me rezultat të barabartë 1-1.
Por, pjesa e dytë ishte zhgënjyese për Zonjën e Vjetër që pranoi edhe tri gola të tjerë dhe humbi në fund finalen, të cilën mendonin ta fitonin.
Ashtu mendon edhe kapiteni i skuadrës, portieri Buffon, i cili ndihet i zhgënjyer pas ndeshjes që skuadra e tij nuk arriti të fitoj trofeun, por tregohet i drejt duke thënë se Reali e fitoi me plot meritë.
“Është një zhgënjim i madh, sepse menduam se do të bënim gjithçka të nevojshme për të luajtur këtë finale dhe më në fund ta fitojmë atë”, ka thënë Buffon për Mediaset Premium pas përfundimit të ndeshjes.
“Ne luajtëm shkëlqyeshëm në pjesën e parë, duke i shkaktuar Real Madridit shumë probleme. Kjo është zhgënjyese”, përcjell Telegrafi.
“Nuk mund të shpjegoj pse luajtëm ashtu siç bëmë në pjesën e dytë. Real Madridi e meritoi të fitojë në pjesën e dytë”, përfundoi legjenda italiane. /Telegrafi/