Në fshatin Brestovik të komunës së Pejës, është hapur sot fabrika për përpunimin e mishit “Buçuku”. Fabrikë kjo e cila u vlerësua të jetë hap i rëndësishëm në sektorin e bujqësisë, e veçanërisht në sektorin e mishit.
Kjo po shihet e rëndësishme edhe nga ministri i Bujqësisë Memli Krasniqi, ku ministria që udhëheq ai ka ndihmuar këtë fabrikë me 200 mijë euro.
Në këtë përurim u theksua edhe importi i madh në Kosovë i produkteve të mishit, ndërsa me hapjen e kësaj fabrike pritet që të zbutet sado pak importi dhe rritja e cilësisë së mishit. E përveç kësaj hapja e kësaj fabrike do ndihmojë edhe në hapjen e vendeve të reja të punës .
Përpos ministrisë për hapjen e kësaj fabrike ka ndihmuar edhe Komisioni Evropian me 330.000 euro.
Menaxheri i fabrikës “Buçuku” Gramer Taraku, theksoj se sot është me rëndësi që po hapin fabrikën me kapacitet dhe teknologji evropiane që edhe siç tha ai e kanë traditë familjare që 150 vite. /Telegrafi/