Tensionet brenda shtëpisë së “Big Brother VIP Kosova” kanë marrë një tjetër përmasë pasi një ndër banorët, Ylli Dërvishi (Buci), është përballur direkt me kolegun e tij Bleron.
Gjatë një bisede me Santianën në oborrin e shtëpisë, Buci ka ndarë një moment konfrontimi që ka ndodhur mes tij dhe Bleros.
Buci ka zbuluar se i ka thënë Bleros se “Ti ke dështuar në estradë, ke me dështu edhe këtu”.
Edhe pse nuk është e qartë se çfarë e ka nxitur këtë deklaratë, Buci dhe Blero po vazhdojnë të shprehin rivalitet mes njëri-tjetrit.
Debati rreth suksesit dhe dështimit në industrinë e muzikës dhe spektaklit është një temë e ndjeshme për artistët, dhe fjalët e Bucit mund të kenë prekur një pikë delikate për Bleron, i cili ka një karrierë të gjatë dhe të njohur në industri.
Përndryshe, në Big Brother VIP Kosova janë të nominuar gjashtë banorë: Lumbardh Salihu, Alby, Monika Salihu, Edona James, Vesa Vllasaliu dhe Linda Halimi, ku njëri më pak i votuar do të largohet të premten. /Telegrafi/