Bayern Munich është në kërkim të një portieri dhe shumë emra janë në listën e tyre.
Gjiganti gjerman pritet ta lejoj largimin e Yann Sommer në drejtim të Interit, derisa kanë larguar edhe Alexander Nubel që është huazuar te Stuttgarti.
Megjithatë drejtuesit e Bayernit ende nuk janë të sigurt nëse kapiteni Manuel Neuer do të rikthehet në formën më të mirë pas lëndimit të gjatë që e mbajti jashtë fushave.
Kësisoj kampioni në fuqi i Gjermanisë po kërkon transferimin e një portieri derisa David Raya është një nga emrat më të pëlqyer në kampin gjerman.
Por problemi qëndron tek çmimi i lartë që i ka vendosur Brentfordi yllit spanjoll për ta lënë të lirë.
Skuadra angleze i ka kërkuar bavarezëve 45 milionë euro për ta lënë të lirë Rayan, shumë që po konsiderohet e lartë nga kampioni i shumëfishtë i Gjermanisë.
Gjithsesi palët janë duke vazhduar bisedimet, derisa drejtuesit e klubit gjerman po shpresojnë ta ulin kërkesën e anglezëve. /Telegrafi/