Site icon Telegrafi

Brenda bunkerëve të Azovstalit, ku mijëra civilë dhe ushtarë ukrainas ishin strehuar pas rrethimit të Mariupolit nga forcat ruse

Brenda bunkerëve të ndërtuar në fabrikën e çelikut Azovstal në Mariupol, ishin strehuar mijëra civilë dhe qindra ushtarëve të batalionit Azov.

Ata kishin qëndruar në kushte të mjerueshme, duke mos mundur të evakuojnë civilët, ku shumë prej tyre ishin të plagosur e madje kishte edhe kufoma, transmeton Telegrafi.

Imazhet e reja të publikuara shfaqin bunkerët ku qëndruan ushtarët ukrainas, e mijëra prej tyre u dorëzuan pas tre muajve – ku tani dyshohet se 2.500 prej tyre po torturohen nga forcat e Vladimir Putinit, transmeton Telegrafi.

Lexo po ashtu Imazhet satelitore tregojnë urat e shkatërruara nga rusët në lindje të Ukrainës – pamundësohet hapja e korridoreve humanitare për civilët

Televizionet ruse kanë pasur qasje brenda këtyre bunkerëve, ku nën shoqërimin e ushtarëve rusë u janë treguar gjësendet që i kanë lënë ushtarët ukrainas.

Në anën tjetër, është bërë e ditur se që nga fillimi i pushtimit rus në Ukrainë, në qytetin port Mariupol janë vrarë 6 mijë ukrainas dhe 4 mijë rusë.

E rrethimi në Azovstal mori fund më 20 maj, kur pjesëtarët e batalionit Azov u dorëzuan me kërkesë të presidentit Volodymyr Zelensky.

Lexo po ashtu Zbulohet tjetër varrezë masive në Bucha, viktimat ishin torturuar dhe më pas vrarë

Ata tani mbahen diku në lindje të vendit, rajon ky që kontrollohet nga separatistët pro-rusë. Madje Moska ka bërë të ditur se shumë prej tyre do të shfaqen në bankën e të akuzuarve. /Telegrafi/

Exit mobile version