Policia holandeze ka njoftuar se ka arrestuar liderin e narko-kartelit apo më mirë thënë shefin e organizatës kriminale aziatike Tse Chi Lop, që konsiderohet si njëri nga të arratisurit më të kërkuar dhe shpesh krahasohet me narko-bosin Joaquin Guzman i njohur ndryshe si El Chapo, shkruan Reuters.
Tse Chi Lop, shtetas kanadez i lindur në Kinë, është arrestuar sipas fletarrestit të policisë australiane që po hetojnë rastin, dhe që kanë konstatuar se organizata në krye të cilës është Chi Lop ka fituar 70 miliardë dollarë brenda një viti duke shitur dhe shpërndarë drogë, transmeton Telegrafi.
Përfaqësuesi i policisë holandeze Thomas Aling, ka deklaruar se para ekstradimit pritet që Chi Lop të shfaqet në bankën e të akuzuarve – duke theksuar se i dyshuari është arrestuar në aeroportin e Amsterdamit – Schipol.
“Gjendej në listën e të arratisurve më të mëdhenj, e arrestimi i tij është rezultat i punës së palodhshme të organeve të sigurisë. Fjala është për një njeri të kalibrit të El Chapos, ndoshta edhe të Pablo Escobarit”, ka shtuar Aling. /Telegrafi/
NIEUWS Drugsbaas Tse Chi Lop gearresteerd in Nederland. De man van 22 miljard. Een van de grootste van de wereld.. https://t.co/6crbo4yKJp via @telegraaf
— Mick van Wely (@mickvanwely) January 23, 2021