Leonardo Bonucci mendon se nuk ka nevojë t’u kërkojë falje tifozëve të Juventusit pas kthimit në Torino.
Qendërmbrojtësi italian nënshkroi për Milanin në verën e kaluar, pas mosmarrëveshjeve me Massimiliano Allegrin dhe disa bashkëlojtarë.
Bentornato, Leo! 🏳️🏴
➡️ https://t.co/5IGreHxfX9#WelcomeToJU pic.twitter.com/IO5D6p6khU
— JuventusFC (@juventusfc) August 2, 2018
Largimi i tij i hidhëroi tifozët e Zonjës së Vjetër, shumë prej të cilëve nuk e kanë mirëpritur kthimin e 31-vjeçarit te Bianconerët.
Sky bën të ditur se tifozët jashtë fushës stërvitore Continassa, e kanë pyetur lojtarin se a do të kërkojë falje.
“Nuk kam nevojë t’u përgjigjem fjalëve. Unë duhet të dëshmoj gjithçka në fushë”, citohet të ketë thënë Bonucci.
Prima giornata di allenamento per @bonucci_leo19 con i compagni al #JTC! 💪
➡️ https://t.co/VC3JeQv8F7 #ForzaJuve pic.twitter.com/EwgbtmGyRP
— JuventusFC (@juventusfc) August 3, 2018
Kujtojmë që mbrojtësi u kthye te Juve në një marrëveshje shkëmbimi me Mattia Caldaran, i cili shkoi në drejtim të kundërt.
Si pjesë e kësaj marrëveshjeje, Milanit iu bashkua edhe Gonzalo Higuain në formë huazimi njëvjeçar (për 18 milionë euro) me opsionin e blerjes në fund të sezonit (për 36 milionë euro të tjera). /Telegrafi/
"Difficile da pensare, bella da realizzare".
Le prime parole di @Bonucci_Leo19 al suo ritorno in ⚪️⚫️#WelcomeToJU pic.twitter.com/8hs8YyP7UD— JuventusFC (@juventusfc) August 2, 2018