Telegrafi

Blinken: Vizita e presidentit kinez në Moskë është mbulesë diplomatike për krimet ruse

Sekretari amerikan i Shtetit, Antony Blinken, tha se vizita e presidentit kinez Xi Jinping në Moskë dhe takimi me presidentin Vladimir Putin, tregoi synimin e Kinës për të siguruar “mbulim diplomatik” për “mizoritë e Rusisë të kryera në Ukrainë” në vend që t’i dënojë ato.

“Që Presidenti Xi po udhëton për në Rusi disa ditë pasi Gjykata Penale Ndërkombëtare lëshoi ​urdhër-arrest për presidentin Putin, sugjeron që Kina nuk ndjen asnjë përgjegjësi për të mbajtur përgjegjës Kremlinin për krimet e kryera në Ukrainë dhe në vend që t’i dënojë ato, ofron mbulim diplomatik që Rusia të vazhdojë të kryejë të njëjtat krime”, tha Blinken, transmeton Telegrafi.

Megjithatë, Blinken tha se “elementet” e propozimit të paqes të Kinës, janë në përputhje me përpjekjet që SHBA dhe do të mbështesë.

Lexo po ashtu Ambasadori polak në Francë: Nëse Ukraina nuk është në gjendje të mbrohet, Polonia do të hyjë në luftë

“Propozimi i Kinës përfshin elementë që ne i kemi mbështetur prej kohësh, duke përfshirë sigurimin e sigurisë bërthamore, trajtimin e krizës humanitare, mbrojtjen e civilëve dhe, në të vërtetë, elementi i parë kërkon ruajtjen e sovranitetit, pavarësisë dhe integritetit territorial të të gjitha vendeve”, shtoi ai Blinken.

Kujtojmë që nga fillimi i pushtimit rus në Ukrainë, Kina është paralajmëruar nga vendet perëndimore që të mos e ndihmojë Rusinë qoftë me armë apo me mallra tjera. /Telegrafi/