Këngëtari Blero ka publikuar këngën e tij më të re “Mbylli sytë” në versionin solo.
Kënga është punuar nga vet këngëtari në muzikë dhe tekst, gjersa ana vizuale i është besuar XL Films.
“Mbylli sytë” vjen si një baladë ritmike, e cila duket e lehtë dhe kapshme për veshin e publikut.
Blero shquhet për paraqitjet e tij gjithnjë me stil në klipet e tij, gjersa njëlloj erdhi edhe në projektin e tij të fundit.
I njëjti këtë vit ka qenë shumë aktiv me projekte të reja në muzikë, ndërsa pritet që të jetë mjaft i angazhuar edhe deri në festat e fundvitit. /Telegrafi/
