Portali Telegrafi shquhet për mbulimin e ngjarjeve të mëdha, posaçërisht ato sportive.
Që Kampionati Botëror ‘Rusia 2018’ të jetë më emocional, redaksia e sportit është duke dhuruar shumë shpërblime për lexuesit tonë besnikë.
Një nga shumë dhuratat janë edhe fanellat e përfaqësuesve pjesëmarrëse në Botëror që dhurohen në baza ditore në faqen e Facebookut, Telegrafi Sport.
Por, këtë herë në emisionin ‘Dueli Botëror’ në RTV Dukagjini, u dhurua një fanellë për mysafirët.
Të ftuarit Ismet Munishi (trajner/analist), Genta Cana (prezantuese/gazetare), Blero (këngëtar), Kushtrim Sheremeti (aktor) dhe Ylber Bardhi (aktor), u pyetën për vitin e themelimit të portalit Telegrafi.
Pasi përgjigjja e saktë (2006) u dha më shumë se nga një mysafir, me anë të shortit fitoi Blero, i cili bëri të vetën një fanellë të Zvicrës.
Fitues i një fanelle mund të bëhet çdo lexues i Telegafit, mjafton të kërkoni në Facebook faqen e Telegrafi Sport dhe të parashikoni rezultatin e ndeshjes së përzgjedhur nga redaksia e sportit.
Por, kjo nuk është e gjitha. Portali ynë gjithashtu ka organizuar një tjetër lojë të madhe ku në fund të Kampionatit Botëror, ata që kanë mbledhur më së shumti pikë nga parashikimet ditore në rubrikën ‘Rusia 2018’ fitojnë një nga shpërblimet kryesore: iPhoneX, pushim në Stamboll dhe Laptop.
Për t’u bërë pjesë e kësaj loje të madhe klikoni KËTU. /Telegrafi/
