Këngëtari i mirënjohur shqiptar, Blero Muharremi, ka konfirmuar pjesëmarrjen në spektaklin e talentëve të këndimit, Albanian Star.
Spektakli i cili së shpejti fillon transmetimin në RTK, Vizion Plus dhe Alsat M tashmë ka hapur audicionet.
Blero me anë të një postimi në rrjetin social Instagram ka konfirmuar se është pjesë e këtij spektakli.
Ai nuk ka precizuar nëse do të jetë anëtar jurie apo do të ketë rol tjetër, megjithatë kjo mbetet që të konfirmohet ditëve në vijim bashkë me protagonistët tjerë të këtij spektakli.
Albanian Star është format i ri televiziv për talentët e këndimit, aplikimet e të cilit kanë filluar në faqen zyrtare albanianstar.com. /Telegrafi/