Këngëtarja e njohur shqiptare, Bleona Qereti, është në përgatitje e sipër të projektit të saj më të ri muzikor, “Haters”.
Kënga do të publikohet së shpejta, ndërsa Bleona vazhdon të jetë shumë aktive për fansat e saj që e ndjekin në rrjetet sociale.
Të shumta janë rastet kur ajo ndan me ndjekësit imazhe të ndryshme nga jeta e përditshme, gjersa nuk mungojnë edhe paraqitjet provokuese.
Së fundmi, Qereti ndau me ndjekësit në rrjetin social Instagram disa fotografi, ku shfaqej mjaft atraktive veshur me një kostum transparent në Javën e Modës në Paris.
Këngëtarja vuri në pah linjat atraktive trupore, ndërsa i la pak vend imagjinatës me këtë paraqitje.
“Ti ndoshta viziton të njëjtat vende ku unë shkoj…por kjo nuk do të thotë se ti je në rrethin tim”, shkroi Qereti në mbishkrimin e këtyre fotografive.
Komplimentet nga ana e fansave nuk munguan në hapësirën për komente. /Telegrafi/