Këngëtarja shqiptare, Bleona Qereti, ka treguar mjaft sukses me projektet e saj të fundit muzikore.
“I don’t need your love”, mban titullin balada të cilën ajo e solli vitin e kaluar, dhe u prit shumë mirë nga fansat e saj.
Këtë këngë, Qereti e solli edhe ‘remiks’, duke e shndërruar në një këngë me plot ritëm, e cila tashmë ka arritur të bëhet pjesë edhe e top listave ndërkombëtare.
Së fundmi, kjo këngë është renditur e treta në top listën javore të këngëve ritmike në gjigantin “Billboard”.
Këtë e ka bërë të ditur vet këngëtarja shqiptare, e cila i është gëzuar tej mase këtij suksesi.
“Këtë javë, numër 3 në Dance”, ka shkruar Bleonan ë mbishkrimin e fotografisë, teksa në InstaStory ka publikuar edhe listën zyrtare të “Billboard Dance”.
Ndërkohë, suksesi i “I don’t need your love” është dëshmuar edhe me klikimet në YouTube, të cilat janë mbi një milion, të menaxhuara nga një prej platformave digjitale më të mëdha në botë, Vevo. /Telegrafi/