Java e pestë në elitën e futbollit kosovar do të vazhdojë në fundjavë.
Pas ndeshjeve të xhiros së katërt që u zhvilluan në mesjavë, edhe në fundjavë na presin përballje spektakolare.
Ekipet pretendente për titull do të kenë duele të vështira.
Kampioni në fuqi i Kosovës, Prishtina që ende nuk ka shijuar fitoren do të udhëtojë drejt Klinës ku do të përballet me Dukagjinin.
Lideri aktual i Superligës, Drenica do të ketë përballje me Dritën në Skenderaj në sfidën e së dielës.
Sfidë e zjarrtë pritet të zhvillohet në Suharekë, ku Ballkani pret Llapin.
Gjilani pas dy barazimeve synon të rikthehet te fitorja, ku të dielën takohet me Ulpianën.
Ndërkohë dueli tjetër është ai mes Malishevës dhe Feronikelit. /Telegrafi/
