Sot (e mërkurë) janë në orar për t’u zhvilluar tri ndeshje në BKT Superligën e Kosovës, të vlefshme për javën e 33-të.
Superliga e Kosovës ka hyrë tashmë në një fazë të nxehtë, ku çdo pikë është shumë e vlefshme për skuadrat.
Ashtu është edhe sot në tri nga takimet e vlefshme për javën e 33-të në BKT Superligën e Kosovës.
Takimi më interesant padyshim se pritet të jetë ai në mes të dy rivalëve të urryer të qytetit, Gjilanit dhe Dritës, takim i cili pritet të zhvillohet në stadiumin me bari sintetik.
Ndeshje interesante pritet të jetë edhe ajo në stadiumin “18 qershori”, ku Dukagjini pret Ulpianën, për të shtuar edhe më shumë gjasat për mbijetesë.
Ndeshja e fundit, por jo nga rëndësia është ajo në kryeqytet në mes të Prishtinës dhe Feronikelit, me kampionin në fuqi që ka nevojë të madhe për pikë, për t’i ikur zonës së barazhit.
Të tri ndeshjet janë paraparë të zhvillohen nga ora 15:00. /Telegrafi/
