Telegrafi

Projekti që thyen tabutë, Alban Ramosaj shpalos të vërtetën e këngës së re (Foto)

Këngëtari i njohur Alban Ramosaj të dielën do të sjellë me klip, projektin e tij më të ri muzikor “Bitchi mesnatës”.

Nga vet titulli mund të kuptojmë se kënga e re e këngëtarit do të jetë mjaft provokuese dhe e veçantë, ndërsa në një prononcim për Telegrafin, Ramosaj ka shpalosur detajet e këtij projekti.

“Kam përfunduar punën për projektin e ri “Bitchi mesnatës”, një këngë e cila nuk flet për një individ të specifikuar, por për disa atribute specifike që shumë individë i kanë, dhe përfundojnë duke qenë një person në fund të natës. Të gjitha këto të ekstraktuara nga disa rrugëtime ‘lidhjesh’ që kam pasur dhe kam dëgjuar”, tha Alban Ramosaj për Telegrafin.

Teksti i këngës “Bitchi Mesnatës” nga Alban Ramosaj

Në vazhdimin e bisedës, artisti tregoi edhe për punimet rreth këngës, të cilat shumica janë bërë me prekje nga ai, ndërsa incizimi në një ndër studiot më të njohura në Shqipëri.

“Vijën melodike dhe tekstin e këngës i kam punuar vet, ndërsa produksionin e kam punuar me Tull Productions, të cilët njëherit janë edhe producentët e këngës tjetër times, “A më do”, dhe kemi disa projekte tjera së bashku që presim t’i finalizojmë”, tregon më tej Ramosaj.

Por, a është kënga “Bitchi Mesnatës”, një projekt +18?

“Vulosjen +18 projektit nuk ia jap dot personalisht, sepse realisht ne shqiptarët jemi të rritur para moshës tonë (qesh), edhe nuk e di nëse është numri i duhur”.

Klipi i këngës “Bitchi mesnatës” pritet të jetë një klip interesant dhe mjaft special. Për këtë arsye, Albani tregon se ai dhe stafi kanë marrë rrugën drejt Turqisë, për të realizuar së bashku disa nga skenat e tij.

Lexo po ashtu Të gjitha lajmet nga Alban Ramosaj

“Xhirimet kanë zënë vend në Tiranë, përreth saj, dhe disa në Stamboll. Mbase ‘ndryshe’ mund ta konceptojë publiku dhe shikuesit e rinj këtë klip. Mirëpo personalisht besoj se jam po i njëjti që kam qenë dhe në këngët e kaluara, por në këtë të fundit reflektoj një tjetër faqe timen”, përfundoi Alban Ramosaj për Telegrafin.

Ndërkohë, përmes rrjeteve sociale, këngëtari i ka njoftuar fansat me disa prej pamjeve ‘të koduara’ të klipit “Bitchi mesnatës”, që do të publikohet i plotë për fansat këtë të diele. /Telegrafi/