Në episodin e sotëm të programit “Zemër Luana” një nga të ftuarit ishte dhe këngëtarja e mirënjohur, Big Mama.
Një nga lojërat në të cilat artistja ishte e përfshirë ka qenë dhe loja e shamisë ku kapitenët e të ftuarit duhet të vraponin për të marrë shaminë nga dora e moderatores Luana Vjollca.
Big Mama ishte përballë Fifit në këtë sfidë dhe nuk mundi të merrte shaminë prandaj dhe duhej t’i përgjigjej një nga pyetjeve për të cilën publiku është shumë kurioz.
Të njëjtës iu drejtua pyetja se sa para fiton në një koncert apo në një dasmë dhe përgjigja e saj ishte 20 mijë euro.
Nuk dihet nëse Big Mama e bëri këtë vetëm për të fituar pikë, apo nëse kjo është njëmend e vërtetë.
Sidoqoftë, ajo theksoi se nuk humb asgjë nga kjo që deklaroi pasi i ka të prenotuara rreth 30 dasma për vitin 2023.
Ajo tashmë e ka dëshmuar se është njëra nga këngëtaret më të pëlqyera e më të kërkuara në treg. /Telegrafi/
